وجهت إلترا “وينرز” المساندة لفريق الوداد الرياضي، برسالة للاعبي الفريق، من أجل حثهم على بذل كل مجهوداتهم من أجل تحقيق الإنجاز خلال مشاركة الفريق في كأس العالم للأندية المغرب 2023.
وطالب الفصيل المساند للوداد، من اللاعبين أن يخوضو المباراة بكل جوارحهم وتجسيد مبدأ العائلة خلال مباراة الهلال، مؤكدين أنه بالروح والـ”غرينتا” يمكن مواجهة أي خصم.
وتابعت رسالة الـ”وينرز”: “عولين عليكم وتايقين فيكم ان شاء الله ديرو ماتشات كبار لي يفكرونا بالعام لي فات ويفكرونا بكاس العالم”
.
وفيما يلي رسالة “وينرز” للاعبي الوداد:
من خوتكم في الدم … هذه الرسالة بلسان كل ودادي حر يعشق ناديه في السراء والضراء .
“توغيدر فوريفر” ( معا للأبد ) هادا هو شعار المجموعة لي كيعني أننا غنبقاو مع هاد النادي فكاع الظروف والاحوال حنا معاكم ديما وغنكونو فالرباط باش نلعبو الماتش بكاع الجوارح ديالنا ، بغينا ماتش لي نتعاونو فيه كاملين ، نكونو ” عائلة ” وبالروح والغرينطا اي فرقة كيفما بغات تكون ماغاديش توقف قدامنا .
ماغتخلعنا لا هلال لا تا فرقة ، حنا الوداد ديما كنافسو راسنا ملي كنربحو حيث كنموتو على قبل الرباح ونهار لي كنخسرو حيث حنا لي مكنكونوش فنهارنا .
معولين عليكم وتايقين فيكم ان شاء الله ديرو ماتشات كبار لي يفكرونا بالعام لي فات ويفكرونا بكاس العالم ..داكشي لي درتو العام لي فات قادرين تعاودوه ، النتائج فالكورة ماشي حاجة لي مضمونة.
ولكن لي مضمون هو نشوفو فيكم الوداد لي كنبغيو ، الوداد لي كتقاوم وكتقاتل على كل كورة ، كونو سبوعة وحنا معاكم فالفيراج وسلاحكم باش نربحو أي فرقة … دايرين النية وبغيناكم تنساو اي حاجة وتركزو باش نفرحو مجموعين ونحتافلو كاملين … أي حاجة مغتسواش اللحظة لي غنعانقوكم فيها ملي يسالي الماتش قدام الفيراج ، ديك اللحظة غالية وتستاهل أي تضحيات ..
جيبوها يا رجال
