خرج محمد بودريقة الرئيس السابق للرجاء الرياضي والعضو الجامعي، بتوضيح بخصوص المحادثة الفورية عبر موقع التواصل الاجتماعي “واتساب”، التي أكد فيها أن المدرب الحسين عموتة ليس لديه عقد مع الجامعة الملكية المغربية لكرة القدم.
وقال بودريقة في تصريح خص به برنامج “بونبونيرا”، الذي يذاع على أثير إذاعة 2m: ” باش نكونو واقعيين. دبا إلى كنا كانقولو عموتة كايشتغل مع الجامعة بدون عقد عمل، والإنسان سمعها وتيقها راه عندو مشكل فحياتو، خصوصا إلى كاين شي واحد لي مكايفهمش فالكرة وعارف القانون”.
وأضاف: “حنا مكانخدموش خارج القانون ومعمر الجامعة أو حتى الأندية خدمت خارج القانون. باش تقولي أن الوداد معندوش عقد مع عموتة أو العكس صحيح أو الجامعة معندهاش عقد مع عموتة، فهذا مجانب للصواب”.
وتابع في حديثه عن المحادثة الفورية: “كايقوفو عند ويل للمصلين. أولا المحادثة هي مجانبة للصواب ومعندهاش تا علاقة بالموضوع، هي راجعة للتقديم ديال الركراكي كناخب واطني. واحد المجموعة ديال المنخرطين كانو كايتكلمو في إطار المحادثات كبرلمان الرجاء”.
وأوضح: “واحد من المنخرطين تكلم على ازدواجية المهام فيما يخص المدرب عموتة، الجواب ديلي كان واضح وصريح، وقلت بلي عموتة لا تربطه أي علاقة مع الجامعة وبأنه مبقاش عندو عقد، وقلت ليه بلي رئيس الجامعة قالها صوت وصورة فالجواب ديالو على سؤال عادل العماري (راديو مارس)، ملي قال ليه بلي المنتخب المحلي مبقاش والازدواجية مبقاتش وعموتة غايمشي يقبل الوداد”.
وواصل: “كان واحد البرنامج مسطر فيه المنتخب المحلي والمعسكرات ديالو وفيه تا المنتخب الأولمبي، ورئيس الجامعة فاش تكلم وقال بلي المنتخب المحلي مبقاش. وكان خارج واحد البرنامج ديال المنتخب الأولمبي، كايبقى المصير ديال عموتة مع المنتخب الأولمبي لي معندو تا علاقة بمسألة ازدواجية المهام، ومعندوش علاقة بالأندية، ومكايناش تا شي حاجة لي كتمنع أن يكون فيها عموتة”.
وأكمل: “القرار ديال واش غادي يبقى مع المنتخب الأولمبي ولا ماغاديش يبقى، هاديك كاتبقى دخلنا عندنا حنا كمكتب جامعي وغانقررو فيها، تا شي واحد منعدو الحق يقول واش عموتة يكون ولا مايكونش. هادي داخلة في إطار استراتيجية الجامعة، القرار ديال المنتخب المحلي تخذا وبقا القرار ديال المنتخب الأولمبي مازال لم يناقش بعد”.